Y wefan yma
Sut ydwyf yn dechrau defnyddio'r wefan yma?
Os ydych yn didynnu cynhaliaeth plant o enillion eich gweithwyr, gallwch reoli eich taliadau ar-lein ar y wefan hunanwasanaeth.
Byddwch angen cadarnhau eich hunaniaeth. I wneud hyn, byddwch angen eich Rhif(au) Cyfeirnod Gweithiwr a rhif(au) PAYE. Mae hyn yn ein galluogi i sicrhau bod eich data yn gwbl ddiogel.
Beth allaf ei wneud ar y wefan hunanwasanaeth?
Gyda'r wefan hunanwasanaeth, mae'r holl wybodaeth rydych angen i reoli a phrosesu Gorchmynion Didynnu o Enillion a Cheisiadau Didynnu o Enillion yn yr un lle. Gallwch ei ddefnyddio i wneud y pethau canlynol:
- gweld y symiau rydych i fod i'w didynnu ar gyfer gweithwyr penodol
- cwblhau amserlen ar-lein sy'n rhoi manylion eich didyniadau gwirioneddol a chyfanswm y taliad - rydym yn argymell hyn ar gyfer cwmnïau bychan sydd gan hyd at 10 Gorchymyn Didynnu o Enillion
- lanlwytho adroddiad sydd wedi ei gynhyrchu gan eich meddalwedd cyflogres
- gweld amserlenni a thaliadau a wnaethoch yn flaenorol
- anfon a chael negeseuon diogel rhwng eich cwmni a ni
- cadw cofnod o'r holl gyfathrebiadau rhwng eich cwmni a ni
- dweud wrthym am newidiadau yng nghyfeiriadau eich cwmni a'ch manylion cyswllt